Временските услови погодни за берба на грозјето, овошките и градинарските култури, но и жетва на пченката

Влажниот бран што деновиве ја зафати земјава, нема да го реши проблемот со сушата, но нејзиниот интензитет во следниот период сепак ќе биде намален, велат агрометеоролозите од УХМР.

Според нив, временските услови овозможуваат берба на грозјето, овошките и градинарските култури, но и жетва на пченката која е веќе во полна зрелост. Препораката за пчеларите останува, да вршат поинтензивна прихрана со течна храна и подготовка на семејствата за зазимување.