Сончево, претпладне магла во некои котлини
Минималната температура ќе биде во интервал од -5 до 1, а максималната од 10 до 16 степени Целзиусови.
Времето денеска ќе биде сончево и релативно топло, претпладне по одделни котлини со појава на магла или ниска облачност. Ќе дува слаб ветер од променлив правец. Минималната температура ќе биде во интервал од -5 до 1, а максималната од 10 до 16 степени Целзиусови.
Најстудено е утрово во Битола и во Берово со – 6 степени, во Струмица се измерени -5, во Скопје-Петровец и Претор -4, во Крива Паланка, Прилеп, Штип, Демир Капија -3, во Скопје-Зајчев Рид, Тетово, Куманово, Охрид, Гевгелија -2. Во Виница и Дојран се измерени нуластепени, а максимални два степена се регистрирани во Крушево.
Најмногу снег има во Маврови Анови 33 сантиметри, во Попова Шапка снежната покривка е 24, а во Крушево 18 сантиметри.
Во Скопје ќе биде сончево со услови за слаба магла претпладне. Минималната температура ќе се спушти до -1, а максималната ќе достигне до 11 степени.
Во наредните денови следува период на променливо облачно и малку посвежо време со локален слаб дожд претежно во источните делови, а на планините слаб снег. Утре ќе дува умерен до засилен северен ветер.
