Жителите на село Милино протестираа поради уништениот пат од тешки камиони кои го превезуваат ожнеаното жито

На три пункта жителите на село Милино вчера ги блокираат локалните патишта кои водат кон Лозово и Каратманово, а причината за незадоволството е лошиот пат, кој според нив е уништен од тешките возила, кои таму сообраќаат.

„По овој локален пат поминуваат шлепери од по 50 тони, транспортираат жито, а дозволена носивост е 7 тони. Ова се случува откако започна жетвата. Патот е уништен, а знаеме каква е постапката и колку време ќе помине додека ни го поправат или асфалтираат.“ – велат жителите од село Милино, лоцирано во општина Лозово. Жителите на село Милино најавија дека ќе продолжат со блокадата на патот, а со тоа ќе биде стопиран и транспортот на ожнеаното жито од овој дел на Овчеполието сè додека не добијат писмено ветување од страна на градоначалникот на о. Лозово, Бошко Цветковски дека патот ќе биде саниран. https://24.mk/