Трипуновски во Кратово-Состојбата е лоша, земјоделството е колабирано, а ловството е уништено

Поразговаравме за сите актуелни состојби и за проблемите со кои се соочуваат изминатиов период. Состојбата е лоша, земјоделството е колабирано, а ловството е уништено. Проблемите се повторуваат од целата Република Македонија каде што најголем проблем се неисплатените и задоцнети субвенции, лошата распределба на ИПАРД средствата, лошите земјишни политики како и слабата контрола на увоз на храна.

Потребно е да се зголеми грижата за сите чинители во земјоделскиот сектор, државата треба да пружа поддршка на секој вистински земјоделец кој што сака да ја работи оваа дејност. Ние имаме план и програма како да им помогнеме на македонските земјоделци и заедно да го вратиме македонското земјоделство на вистинските патеки, објави Цветан Трипуновски, заменик министер за земјоделие .