Кога субвенциите за овците? Средба на сточарите со Стоилев и Трипуновски
Сточарите, одгледувачи на овци веќе не го кријат незадоволството од состојбите во секторот, особено за доцнењето на исплатата на субвенциите за овците и тешкото справување со болеста Син јазик.
Уште нема абер кога ќе бидат исплатени субвенциите за одледувачите на овци? Денеска дел од сточарите (членови на новоформираното здружение „Современ сточар“ чии претседател е Боби Бошевски), кои најавија протести, ако до 5 септември не бидат исплатени субвенции за овците се сретнаа со министерот Цветан Трипуновски, директорот на Платежната агенција Илија Стоилев и Никола Георѓиев претседател на Сојузот на одгледувачи на овци.
По фотографиите се гледа дека малкумина сточари биле на состанокот.
Засега нема инфомација дали задоцнетите субвенции ќе бидат исплатени деновиве или ќе се почека.
Платежната агнеција објави дека е остраверна средба на надлежните од МЗШВ со здруженијата на одледувачи на овци.
По новата програма за субвенционирање годинава, за грло овца сточарите ќе земат 3.000 денари. За да добијат субвенции мора 30 проценти од јагнињата да ги однесат на колење во регистриран кланичен капацитет.
Сточарите се жалат дека укината е субвенцијата за чување на женско јагне, јагне предадено во кланица, а зголемена е и сметката за пашарина.
