вести

Блокирани сметките на оризопроизводителите за ненаплатена камата за наводнувањето

(Oвој напис е објавен на: јануари 15, 2018)

oriz

Извршители им ги блокираа сметките на повеќемина земјоделци во кочанскиот регион, откако не им била наплатена каматата за наводнување на земјоделското земјиште.

Еден од нив е и 57 годишниот оризопроизводител Милан Трендов од Кочанското село Оризари, кој вели дека долгот за наводнување од 2015 и 2016 година му е наплатен преку исплатата на субвенциите. Но, каматата за овие две години од 1.500 денари ја бара Јавното претпријатие Водостопанство, па на почетокот на годинава му пристигнал и допис од извршителот, кој сега му зема 12.800 денари.

Овој земјоделец се прашува зошто при наплатата на долгот не му е и наплатена каматата, па сега му е блокирана сметката.

Директор на Водостопанство Брегалница, Дени Митров вели дека се информирани за проблемот, но како ново раководство неможат ништо да интервенираат за решенијата кои им пристигнале од извршителите.

Трендов кој од дете е земјоделец и откупувач на ориз вели дека оризопроизводителите едвај преживуваат поради ниската откупна цена, а од година во година се намалуваат и површините засеани под ориз.


 

телма.ком.мк

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close