Дизелот поевтинува, цената на бензинот останува иста

Дизелот од полноќ поевтинува за два денари, а Екстра лесното масло за домаќинство за два и пол денари, одлучи денеска Регулаторната комисија за енергетика. Цените на бензините и на мазутот останува иста.

Согласно најновата одлука, дизелот ќе се продава по цена од 90 денари за литар, а Екстра лесното масло за домаќинство за 86 денари за литар.

Новите максимални цени по полноќ ќе изнесуваат:

Моторен бензин Еуросупер БС – 95 84,50 (денари/литар)                                              Моторен бензин Еуросупер БС – 98 87,00 (денари/литар)

Дизел гориво Еуродизел БС (Д-Е V) 90,00 (денари/литар)

Масло за горење Екстра лесно 1 (ЕЛ-1) 86,00 (денари/литар)

Мазут М-1 НС 50,391 (денари/килограм)