До крајот на месецот ќе има нови исплати на субвенции за земјоделците кои се во трезорот на Министерството за финансии

„Со последната исплата која се направи кон одгледувачите на крави, каде што се исплатија над 340 милиони денари, доаѓаме до вкупна бројка на исплатени заостанати и тековни обврски од над 9 милијарди денари”, истакна министерот за земјоделство, шумарство и водостопанство Цветан Трипуновски во своето интервју дадено за Радио Слободна Европа.

„Тоа е сериозна сума пари со која Владата, премиерот и Министерството праќаат јасен сигнал за приоритетите во земјоделскиот сектор”, појасни министерот.

Тој посочи дека до крајот на месецов сигурно ќе следат и останатите исплати, кои се наоѓаат во трезорот на Министерството за финансии.

„Продолжуваме со посветеност и навремена исплата на субвенции кон земјоделците”, додаде министерот Трипуновски.