До крајот на минатата недела откупени 40 милиони килограми пченица

„Контролите коишто ги правиме на терен продолжуваат од земјоделскиот инспекторат. Согласно квалитетот и она што е дефинирано како цена останува истото, за прва и втора категорија – 12 денари , за трета – 11 денари и нормално, за некоја што е со екстра слаб квалитет ќе биде пониско од тоа. Она што досега се информации коишто ми се пласирани од страна на инспекторатот, откупени се 40 милиони килограми, најголем дел е во прва категорија и втора категорија и има нешто што е со послаб квалитет. Она што е наша заложба, практично и со контролите што ги правиме секојдневно е да биде платет родот согласно квалитетот. Она што е за прва и за втора да биде платено, она што нешто пониска категорија, бидејќи се зависи од примената агротехника, прихрана и ѓубрењето, да биде платено согласно класата и така ќе биде до последниот ден на спроведување на жетвата од оваа година“ изјави министерот за земјоделие Цветан Трипуновски, кој во петокот беше на отворањето на „Фестивалот на жетвата“ во Новаци, пренесе Тера.