Врнежите од дожд кои се надпросечни во текот на август месец ја надополнија насекаде влагата во почвата на целиот профил, со што потребите на културите се задоволени во целост, велат агрометеоролозите,
Позитивно влијание има кај сите култури, но најголемо е кај овошките, кај кои во овој период се формираат цветните папки за наредната производна година.
Но, високата влага во почвата и воздухот ќе доведе до создавање оптимални услови за појава на болести кај виновата лоза, кај која поради високата влага во почвата дојде до пукање на зрелите зрна, а тоа е одличен предуслов за зараза.
Во наредниот период потребно е да се посвети посебно внимание на заштитата како не би се изгубил родот за многу кратко време.
