fbpx
Агро бизнисВестиМакедонијаТоп вести

Пожарите ги „казнија“ печуркарите, нема да има што да собираат

Од компанијата РНС Компани од Радовиш која се занимава со откуп на печурки, објаснуваат дека пожарите се како казна за печурките во Малешевијата. Тие освен од Радовиш, печурки добиваа и од Берово и Пехчево.

Поради пожарите во делови од Источна Македонија, многу собирачи на печурки нема да има што да собираат објави Фактор мк.

Со пожарите, уништени се шумите, а со тоа страдаат и повеќе видови на печурки, со исклучок на смрчакот кој може да вирее на опожарени терени. Не се поштедени ниту билките. Ќе бидат потребни најмалку две до три години за да родот на печурки на овие места се врати во нормала. Ова финансиски ќе ги погоди луѓето кои живеат или имаат дополнителни приходи од собирање на печурки, билки, бобинки.

Гореа дрвја, трева, шуми, така што мицелиумот, делот од печурката се уништува на температура од 30 степени. Во Пехчево и Берово има штети, но во Делчево, луѓето обично собираат печурки на Голак и тој дел е сочуван. Најмалку две години ќе бидат потребни да опоравување“, велат од фирмата Фунгикорп од Делчево.

Од компанијата РНС Компани од Радовиш која се занимава со откуп на печурки, објаснуваат дека пожарите се како казна за печурките во Малешевијата. Тие освен од Радовиш, печурки добиваа и од Берово и Пехчево. Но, родот на печурки нема да биде како порано.

„Штети ќе има и тоа ќе се одрази на повеќе видови на печурки. Вргањот, лисичарката и други видови сега ќе ги нема. Во селата во Малешевијата, многу луѓе собираат печурки и зависат од нив. Минимум две години нема да има печурки. Ќе треба време да се обнови вегетацијата“, додаваат од РНС Компани од Радовиш.

Поединци живеат, а повеќето остваруваат дополнителни приходи од собирање и продажба на печурки.

„Оние жители кои се невработени, излегуваа и собираа печурки во шумите. Се работи за 50-60 семејства, но сега проблем е што нема да има печурки поради пожарите“, кажа Ванчо Пармачки, жител на селото Будинарци.

Печурките од овој крај претходните години завршуваа на пазарите во Италија, Германија и Франција. Изминатите години во Пијанечко-малешевскиот регион имаше добра берба, и се споменуваше податок за 50 тони печурки. Кога има екстра квалитет, има и добра цена. Ланската година беше најдобра за период од 4 децении.  Во август имаше пожари во Малешевијата. https://faktor.mk/pozarite-gi-kaznija-pechurkarite-nema-da-ima-shto-da-sobiraat

Тагови

Слични написи

Back to top button
Close