Ѓоко Палитов-Лозјата ни се исушија, а ВП „Тиквеш“ бара да плаќаме сметки

Како да плаќаме сметки за услуга што не сме ја добиле?

август 23, 2021

3.145

Тиквешките лозари добиваат сметки да платат за наводнување, а ни капка вода не стасува до нивните ниви, обвинува Ѓоко Палитов, лозар од Тиквешијата. ВП „Тиквеш“ започнало да им доставува фактури за наводнување од канал кој со години бил нефункционален, а лозарите не виделе ниту капка вода.

„Некни ни стигнуваат фактури од нотар, ако не платиме во рок од осум дена, одиме на извршител….Јас тоа не планирам да го плаќам, а имам моментално неколку лозја….Имаме решение и од правобранителот дека нема логика да плаќаме за никаква услуга. Прво, не постои каналот, второ, директорот или тој што обезбедил вода, треба да ме викне мене и да направиме договор..и врз основа на тој договор, тој мене да ме тужи и да ми бара пари. А вака, на никаква основа, тој ни пушта фактури. Ние не ги плаќаме фактурите и тој сега ќе не’ тера на извршител“ – ни рече Ѓоко Палитов, лозар од Кавадарци.

-Далечната 1954 година почнува изградбата на каналот од Дабнишка Река кој служел за наводнување на околу 500 хектари лозови насади на ВП „Тиквеш“. Изградбата на овој канал траела до 1958 година и со него стопанисува вв Тиквеш и никој друг. Каналот бил во функција некаде до 1992 година, но поради дотраеноста и не редовно одржување каналот се руши. По иницијатива на дел од селаните на село Ресава во 1998 година со свои средства успеваат некако да го стават во функција , но тоа ги чини секој по 100 ДМ од декар . Со многу мака и трпение некои успевале да наводнат дел од површината , но поголемиот дел кои што учествуваат со средства и работна рака не успеваат. Се додека имаше повозрасни жители на селото го чистеа каналот три- четири пати во сезоната од наноси на кал, жили и други страни материи . Каков таков каналот некогаш успеваше да донесе вода до површините. Некаде 2015-2016 година тогашниот директор на „Тиквешко поле“ разбира дека таму имало канал и преку катастар ги наоѓа сопствениците на површините и почнува да им праќа фактури за водарина . Во тоа време на платен список биле и двајца водари кои што никогаш не биле на каналот да видат дали постои канал , а плата земале од водостопанство „Тиквеш“. Од тогаш 2015-2016 година каналот не е во функција а на лозарите редовно им пристигнуваат фактури за водарина иако никогаш не го користат. Во 2019 година преку здружението „Напредни лозари“ се обративме до Народен правобранител од каде добивме позитивен одговор дека каналот е нефункционален и не смее да се наплаќа за водарина.

Тогашниот раководител на „Тиквешко поле“ Ристо Манев рече дека ќе ги прекине сите фактурирања за вода, на состанокот присутен беше и градоначалникот Митко Јанчев. Но после две години еве повторно почнаа да праќаат фактури и тоа правосилни. Ние како земјоделци повеќе не знаеме каде да се обратиме. Ние бараме ако постои канал водостопанство „Тиквеш“ да ни направи договори за наводнување и ако успее да ни донесе вода ние веднаш ќе си платиме. Сите знаеме што значи водата особено во вакви сушни години. Раководителот Ристо Манев на неколку пати не свикуваше на состанок и ни ветуваше дека преку проектот ЕПТИСА ние ќе добиеме канал. Само лагата остана, а од проектот и каналот нема ништо, обвинува Палитов во изјава за „Зелена берза“.