Христос се роди! Навистина се роди!

Православните верници кои го почитуваат јулијанскиот календар денеска го слават Божик, Христовото раѓање, како празник чие основно значење е семејното собирање, дружењето и потсетувањето на основните човечки вредности.

Првиот ден од Божик е ден на радост на раѓање, обновување на животот, додека вториот ден се поминува во свечено, тивко домашно расположение, а во црквите се служи благодарствена литургија на Богородица.

Вообичаено е луѓето да се поздравуваат со „Христос се роди“ и „Навистина се роди“, а празникот Христовото раѓање изобилува со многу други обичаи од кои најпознат е полагањето на бадниковото гранче, покривањето на домовите со слама и други обичаи.