вестиСовети

Изберете квалитетна есенска заштита од нисколисен плевел во зимските житарици

(Oвој напис е објавен на: ноември 2, 2018)

За да не дојде до одземање на хранливите материи, водата, светлината и просторот од страна на плевелот, компанијата Chromos Agro, препорачува заштита на зимските житарици со употреба на хербицидот Stomp Aqua.

Сеидбата на високородни сорти, зголемената исхрана со минерални ѓубрива (посебно со азот), остатоци од семе на плевел во земјиштето во предсеидбениот период, редуцираната механичка обработка на земјата, остатоците од плевел на стрништата, разнесувањето со комбанирање и слично, се причини за редовна затревеност (закоровеност) на производните површини.

Сузбивањето на плевелот со хербициди во зимските житарици во есенскиот период, ќе биде потребно, ако житариците се посеани рано и ако зимата почне доцна, како и ако постои некој од предусловите кои ги споменавме на почетокот. Во тој случај, плевелот може да се развие во голем број во текот на есента, а со тоа да предизвика губитоци во производството, кои подоцна не ќе можеме да ги ублажиме.

Со цел да не дојде до одземање на хранливите материи, водата, светлината и просторот од страна на плевелот, компанијата Chromos Agro, препорачува употреба на препаратот Stomp Aqua – кој е селективен, контактен и земјен хербицид, наменет за сузбивање на едногодишните нисколисни плевели и ја намалува заплевеленоста во овоштарството, лозарството, градинарството, полјоделството, кај индустриските и украсните растенија.

Во пченицата, јачменот, ржот се применува после сеидбата, а пред никнувањето на културата во количина 2,5 -3,0 л/ха.

Stomp Aqua – надзор над плевелот во траење од повеќе седмици

Делотворната состојка на хербицидот се наоѓа во капсулите, во водена суспензија. Кај разредување со вода, дел од капсулата набубрува, кај прскањето прска и ја ослободува делотворната состојка. Испрскана на листовите на растението, делотворната материја, делува веднаш, на начин што спречува понатамошна клеточна делба кај плевелот.

Плевелот изумира поради фолијарното влијание на делотворната материја директно на надземниот дел од растението. Преостанатиот дел од неактивираните капсули паѓа на тлото. Под влијание на росата или влажноста на земјиштето, капсулите пукаат постепено. Ослободената делотворна материја која влегува во земјиштето, ја забавува клеточната делба на коренестиот дел – хербициден ефект преку почвата. Со оглед на тоа што процесот се одвива постепено, постигнуваме надзор над плевелот во траење од повеќе седмици.

Предности на Stomp Aqua:

  • Поголема количина на делотворни материи во однос на останатите средства кои ја содржат делотворната материја пендиметалин (455 г/л)
  • Нова формулација – инкапсуларна суспензија
  • Продолжено делување
  • Лесно ракување и помалку нечистотија

 

Валентина Соколовска

за Зелена берза

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close