Изгор такси во Гевгелија
Такси превозот во Гевгелија поскапе за 60 отсто, советниците го усвоија новиот ценовник
Гевгелиските советници на денешната седница го усвоија барањето на таксистите и донесоа одлука за поскапување на такси-превозот за 60 отсто. Согласно одлуката, цената за старт од сегашните 50 е зголемена на 80 денари и за секој нареден километар наместо досегашните 23 денари ќе се наплаќаат по 33 денари, а чекањето од четири е зголемено на шест денари од минута.
Покрај ова беше прифатено и барањето на такистите за воведување ноќна тарифа, која ќе се применува од 22 часот вечерта до 6 часот наутро со стартна цена од 90 денари плус 35 денари за поминат километар како и празнична тарифа со цена од 100 денари за старт и 40 денари за изминат километар.
Гевгелиските таксисти ќе добијат и дополнителен паркинг-простор на неколку локации во градот кои беа посочени од нивна страна.Барањето за поскапување на такси-услугите го образложија со зголемените цени на горивата и поминатиот, за нив, долг период од четири години од донесувањето на старата одлука.https://drnka.mk/
