вестиДвор и градинаСовети

Календар на градината – Ноември

(Oвој напис е објавен на: ноември 9, 2017)

gradina 1

Во овој период од годината градината не е така разиграна веќе како што беше до неодамна. Прецветаа сезонските цвеќиња кои ги засадивме на пролет, листовите од листопадните декоративните дрвја, грмушки и овошки полека опаѓаат. Полека се губи колоритноста која зрачеше од секој агол на градината. Со цел да ја задржиме градината во добра форма и за следната година, пред да стане постудено треба да обавиме неколку работи.

gradina

Остатоците од леите и бордурите со едногодишни цвеќиња треба да се отстранат, доколку тоа не сте го сториле до сега, а почвата да се обработи длабоко и да се прихрани со суперфосфат и калиум. Доколку сакате да ја одржите бојата во градината и во овој период од годината, може да ја збогатите со садење на виоли и хризантеми. Перените и повеќегодишните цвеќиња за кои немаме простор за презимување треба да се заштитат од ниските зимски температури. Почвата околу декоративните грмушки и дрва, исто така треба да се прихрани со органски и минерални ѓубрива. Сончевите денови во ноември е добро да се искористат за садење на рози и други листопадни грмушки и дрвја.

Украсните треви може, но не мора секогаш да се сечат до земја за да презимат, како што многумина практикуваат. Тие може едноставно да се врзат во снопче, не премногу стегнато, а нивната надземна маса ќе им послужи како заштита од премрзнување. Осетливите видови на ниски зимски температури препорачливо е да се заштитат со некој материјал. Доколку се користи најлон многу е важно да биде издупчен за да не настане гниење од прекумерна кондензација на поедини делови од растението.

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close