Николовски-Два гранта од 10.000 и 20.000 евра за младите да се вклучат во земјоделството

Преку два гранта од 10.000 и 20.000 евра даваме поддршка на младите активно да се вклучат во земјоделството со сопствено земјоделско стопанство, а младите земјоделци се ослободени од надоместокот за закуп на државното земјоделско земјиште. За прв пат од оваа година обезбедивме и стипендии за студентите на земјоделскиот, шумарскиот и ветеринарниот факултет во висина од 18.000 денари за девет месеци. На најдобрите студенти од овие факултети им нудиме можност за платена пракса во институциите и можност за стекнување нови вештини. Посветено се грижиме и вложуваме во секој млад човек, објави министерот за земјоделие Љупчо Николовски .