вести

Македонија јаде најсолен леб

(Oвој напис е објавен на: март 30, 2018)

leb

Најновото светско истражување за содржината на сол во лебот покажува дека некои од контролираните примероци имале повисока содржина на сол отколку морската вода. Здружението „Светска акција за сол и здравје“ собра повеќе од две илјади примероци леб, како што се белиот, пченкарниот, интегралниот, ’ржаниот од 32 земји, вклучувајќи ги и Македонија, Србија и Бугарија.
На српскиот пазар се анализирани 69 примероци од продавници и пекарници во Нови Сад и воочено е дека највисока просечна содржина на сол е утврдено во белиот леб и лебот од разни видови житарки. Во овие категории, секој трет леб имал висока содржина на сол. Загрижува фактот дека ниту еден леб на пазарот во Македонија и во Србија не содржел помалку сол, покажа истражувањето. Инаку, студијата покажа дека белиот леб со највисок просек на сол е пронајден во примероците во Скопје, и тоа 1,42 грам сол на 100 грама леб. И во Србија е слична состојбата, каде што во белиот леб се пронајдени 1,40 грам сол. Спротивно на тоа, во Кина овие вредности биле најниски – само 0,65 грама сол на 100 грама леб.
– Претходното истражување од страна на Институтот за јавно здравје на Војводина покажува дека населението на Нови Сад внесува повеќе од 12 грама сол дневно, што е за два и пол пати повеќе од максималната препорачана дневна доза за здравите луѓе – нагласува  Милка Поповиќ од Институтот за јавно здравје во Војводина.

Експертите од Македонија и од регионот велат дека треба да се воспостават целни вредности за содржината на сол во сите категории на храна, особено во лебот, кој е основен прехранбен производ, што најмногу придонесува за целокупната или прекумерната доза на сол, додавајќи дека околу една четвртина од производите што биле вклучени во истражувањето немале на пакувањето објаснување колку сол содржи производот.
Од Организацијата на потрошувачи на Македонија велат дека етикетите на производи не треба да го доведуваат потрошувачот во заблуда, туку да му обезбедат јасни и целосни информации за да знае што точно купува и врз основа на тоа да направи правилен избор во согласност со своите потреби и барања.
– Процентуалната застапеност на шеќерот, мастите и солта мора да е наведена, без исклучок. Ако, пак, производот е од увоз, тогаш, покрај постојната, мора да има и декларација на македонски јазик, барем за основните состојки – напоменуваат од ОПМ.
Поповиќ смета дека одговорноста за прекумерна доза сол не може да се префрли само на потрошувачите туку дел од одговорноста мора да преземат и  производителите на храна и владата што ги пропишува стандардите за производство и контрола на нивната примена.

– Производителите на леб продолжуваат да користат непотребно големи количества сол во лебот, иако нивните технолошки способности овозможуваат значително намалување. Сепак, ние од институтите за јавно здравје можеме да направиме повеќе за да му помогнеме на населението да се намали внесувањето сол и со тоа да се намалат крвниот притисок и ризикот од мозочен и срцев удар, кои се главни причини за смртност на населението – објасни Поповиќ.
Светската здравствена организација препорачува максимум 5 грама сол на ден за здрави луѓе. Во Македонија просечно се консумираат 11,5 грама сол на ден, над двапати повеќе од препораките на Светската здравствена организација (СЗО).  Додека, пак, граѓаните на Србија на ден во просек јадат околу 210 грама леб, што значи дека само овој вид храна носи повеќе од половина од максималната препорачана дневна доза сол за здрави луѓе.
Иако од технолошки причини е неопходна состојка во оваа храна, нејзиното намалување би било лесен начин да се намали внесувањето сол на ниво на население. Истражувањата покажуваат дека содржината сол во лебот може да се намали за 25 отсто во релативно краток временски период, при што потрошувачите нема да забележат промени, но ќе имаат значителни здравствени придобивки.


 

новамакедонија

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close