Македонски земјоделци на саем во Турција

„Целта на саемските посети е да се разменат искуства и да се види практичната примената на новите технологии во аграрот. На ваков начин ќе се поттикне зедничкото планирање и донесување на одлуки за усвојување и примена на напреднати земјоделски техники и технологија, што најпосле ќе доведе до подобрена продуктивност, стандардизација на производите, оптимализација на количините и зголемување на приходите“, истакнува Никола Стаменов, претседател на ФФРМ.

Тој и заменик претседателот на ФФРМ, Mемет Синани присуствуваат на саемот во Чанаккале Турција каде што на отворено ќе се презенираат засадени површини со нови сорти на градинарски, поледелски и овошни култури.

Целта на посетата на саемот е запознавање на земјоделците од РМ со новите технологии на производство со цел намалување на трошоците и зголемување на продуктивноста, како и размена на искуства со турските фармери и институции од областа на земјоделството.