вестиВидео/интервјуа

“Македонскиот земјоделец со род од 100 тона јаболка по хектар” – интервју со Г-дин Аднан Феим од с.Лавци ,intervju Преспа

(Oвој напис е објавен на: февруари 28, 2018)

jabolko

Драги наши, после објавениот текст на Зелена берза во кој Проф. Д-р Франци Штампар од Биотехнички факултет во Љубљана постави прашалник над главите на многу овоштари со тврдењето дека е можно да се произведуваат 100 тони јаболка по хектар се разви под истиот бурна дискусија. Од истата дознавме за нашиот овоштар од Преспа, на кој нашите фанови јавно му честитаа и ја фалеа неговата успешност. За Аднан Феам и неговиот род од над 100 тони по хектар јаболко слушнавме од повеќе страни, па решивме да го контактираме и во неколку прашања да го доближиме до вас овој врвен земјоделец. Еве што издвојуваме:

Од кога се занимавате со земјоделство, и што конкретно произведувате и кое е Вашето примарно производство?

Јас живам во село Лавци, во Преспа а со земјоделство се занимавам од најмала возраст, поточно од 12 години. Сепак, како професионален земјоделец започнувам во 1987 година со насад со јаболка и еве веќе 31 година го работам истото.

jabolko

Колкава површина обработувате?

Вкупната површина која ја обработувам е 3 хектари и 85 ари, од кои еден хектар не е во полн род.

Колкави се приносите на годишнониво?

Приносите на годишно ниво се од 60 до 120 тона по хектар. Истите многу зависат од временските услови, пролетните мразеви , градот и слични непогоди.

Дали сте задоволни?

Од приносите сме задоволни, од цената , не секогаш, зависи од годината .

Дали користењето на современата земјоделска механизација е еден од пресудните фактори за поголемо производство и што употребувате Вие при обработката на Вашите насади?

Да, секако, ние користиме современа механизација. Сметаме дека без модерна земјоделска опрема нема да можиме да постигнеме толку голем приход.

Кои други методи, техники или искуства според Вас, придонесуваат за поголемо земјоделско производство?

По мене најбитно е кроењето на овошките, исто така не смее да се занемари важноста на квалитетната прихрана односно квалитетното вештачко ѓубриво, потоа редовното прскање за заштита. Наводнувањето е еден од најважните услови за богат род. И секако мора да се пратат времеските услови и да се дејствува во согласност со нив.
Љубовта кон работата и желбата за успех се исто така клучни фактори во секоја дејност која ја започнуваме сите ние. Без тоа, ниту јас, ниту некој друг може да постигне добар резултат.

jabolko

Здружението за едукација на земјоделците „Зелена Берза“, Ве прогласи за нивни почесен член и соработник. Што мислите за Ваквото здружување на земјоделите и дали имате некој предлог за нашето здружение?

Здружувањето е добра работа. Тука земјоделците можат да ги разменат своите искуства. Со задоволство ќе прифатам да бидам ваш член и соработник. За сите прашања стојам на располагање на сите членови.

Кој совет би им го дале на сите земјоделци, и на оние кои сакаат да започнат да се занимаваат со оваа професија?

Мој совет за сите кои ја работат или сакаат да ја работат оваа професија е дека мора да имаат голема воља и да дадат огромен труд. Тоа подразбира инвестирање во професијата и во материјален и во интелектуален поглед. Само така ќе го добијат саканиот резултат.
Само едно да се знае дека последните две години со температури од – 4 и –
7, родот беше помал, и неквалитетен, со пукнатини во плодовите и прстен околу плодовите.
Со огромна благодарност до Г-динот Аднан Феим.

Валентина Соколовска за Зелена берза

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close