Менде Стомнароски-Дневно просечната цена достигнува и 295 денари по кг. тутун

Менде Стомнароски, претседател на Сојузот на земјоделските здруженија на Македонија, информира дека откупот тече непречено и без проблеми. Дури, дневно просечната цена достигнува и 295 денари.

– Откупуваат сите 10 регистрирани компании на над 285 пункта со 220 ваги. Дневно, просечната цена достигнува и 295 денари за килограм. Навремено се одвива и исплатата. Повереници има на сите ваги и досега нема оспорени количества тутун, вели Стомнароски.

Се очекува годинашнава реколта да тежи околу 21 000 тони, иако со компаниите беше договорен род на преку 25 000 тони тутун.