МЕТЕО ПРЕДУПРЕДУВАЊЕ: Нестабилност со обилен пороен дожд, грмежи и силен ветер

МЕТЕО ПРЕДУПРЕДУВАЊЕ: Денес особено попладне наместа ќе има појава на нестабилност со обилен пороен дожд(над 30л/м2), грмежи и силен ветер (над 70 км/час), локално во форма на невреме.

И во Скопје ќе има повремени врнежи од дожд, а попладне во делови од котлината ќе биде нестабилно со пороен дожд, грмежи и засилен ветер.

ВРЕМЕТО ВО СЛЕДНИТЕ ДЕНОВИ: Под влијание на серија на влажни бранови, до почетокот на следната седмица времето ќе биде променливо облачно со повремени врнежи од дожд. Утре наместа ќе има појава на нестабилност со пороен дожд, грмежи и силен ветер (над 70 км/час), локално во форма на невреме. Од петок, а особено за време на викендот поради спуштање на студена воздушна маса врнежите од дожд на планините и повисоките места ќе бидат од снег и ќе се формира нова снежна покривка. Врнежите повремено ќе имаат обилен карактер, наместа над 40 л/м2 за краток период.