Милевски:Македонија не побара да купи пченка и пченица, Вучиќ сам се понуди

Србија се нуди, а не дека ние сме побарале, информира министерот за локална самоуправа, Горан Милевски, коментирајќи ја денешната изјава на српскиот претседател Александар Вучиќ дека Македонија побарала да купи пченица и пченка од нашиот северен сосед.

Според Милевски, српскиот претседател сам се понудил да помогне.

-Во ред е тој популизам што се објави и така нека биде. Тој понуди дел од своето производство, не е побарано. Македонија не побара и тоа не е точно. Се консултирав со министерот за земјоделство за тоа. Србија стои на располагање и тоа е за поздравување и почит, како што излезе во пресрет за корона-кризата. Тоа е позитивен сигнал и не треба да се злоупотребува.