Националната земјоделска мрежа со соопштение – ОДЛУЧЕН БОЈКОТ И МОРАТОРИУМ НА НЕОДРЕДЕН ПЕРИОД!

Националната земјоделска мрежа со соопштение

ДО ИНСТИТУЦИИТЕ И ЦЕЛОКУПНАТА ЈАВНОСТ ОДЛУЧЕН БОЈКОТ И МОРАТОРИУМ НА НЕОДРЕДЕН ПЕРИОД!

Почитувани колеги, земјоделски производители,

На 30 септември 2026 година, во Тополчани, јасно и гласно ги доставивме нашите барања пред Владата на Република Македонија. Законскиот рок за одговор истече.

Одговор нема.

Игнорирањето на нашите гласови од страна на институциите е директен доказ дека земјоделството и земјоделците се сведени на нула и се туркани на маргините на општеството. Ова молчење нема да го трпиме повеќе. Последиците од оваа негрижа веќе директно удараат по секојдневниот стандард на секој граѓанин и го загрозуваат елементарниот опстанок на нашите семејства.

Националната земјоделска мрежа ги сведува своите активности на минимум. Доста беше борба со затворени врати и институционален ѕид.

Од овој момент, нашиот фокус се префрла исклучиво кон реални проекти и градење цврста соработка со меѓународни сродни организации кои ја разбираат нашата вредност. Моќта на одлучување и одговорноста за иднината на државата се во рацете на институциите и народните избраници.

Ние нашиот избор го направивме – продолжуваме да се бориме за нашето достоинство надвор од нефункционалниот систем!