Над 30 тони тутун во велешко остана непродаден

Од Министерството за земјоделие велат дека пред нова година имале состанок со откупувачите, кои изразиле заинтересираност да го откупат целиот тутун

риесет тони тутун скапува по амбарите во општина Лозово, откако Струмица табак го затвори откупниот центар. Тутунарите се жалат дека иако имеле  договори со струмичкиот монопол да произведуваат квалитетен тутун – басмак, за чие производство потрошиле многу пари, сега нема каде да го продадат.

Тутунарите посочуваат дека се било добро до Нова година, кога од Струмица табак им кажале дека ја изгубиле лиценцата и нема да продолжат со откуп на тутун.

-Другите откупувачи се понудија да го преземат тутунот, но ни го проценуваат под класа. Наместо прва или втора класа, велат била тртета и четврта. Цената е под нашите очекувања и вредноста на тутунот. Не можеме да го покриеме ни потрошеното за производство – изјави тутунар.

Од Министерството за земјоделствот тврдат дека веќе имале состанок со откупувачите, кои изразиле заинтересираност да го откупат целиот тутун.  Додаваат дека цената е утврдена со закон и дека незадоволните тутунари треба да се жалат во инспекцијата.