fbpx
Вести

Наскоро ИПАРД 2 оглас

Во првата половина од ноември се очекува да биде објавен вториот ИПАРД 2 оглас. Мерките се однесуваат на инвестиции во земјоделски стопанства и во преработувачки капацитети. Помош за изготвување на апликациите земјоделците можат да добијат во центрите на агенцијата за развојот во земјоделството.

Наскоро се очекува да биде објавен вториот ИПАРД оглас, а земјоделците и преработувачите кои ќе аплицираат можат да добијат гранд од најмалку половина од трошоците за инвестицијата.

Стапката на кофинансирање може да се зголеми и до 70 отсто во подрачјата со ограничени можности.Барателите не смеат да ја почнат инвестицијата пред да склучат договор со платежната агенција.

Преку Ипард 2 фармерите ќе може да набават земјоделска механизација, опрема, да изградат нови или да ги осовременат постојните стопанства.

Преработувачите ќе може да се набават машини, опрема за преработка на земјоделски производи и да градат објекти, според ЕУ стандардите.

ИПАРД 2 Програмата има на располагање околу 60 милиони евра на кои се додаваат и дополнителни средства од македонскиот буџет.

Од првиот оглас досега се  склучени 920 договори во вредност од 15,8 милиони евра, од кои 12 милиони евра се европски средства.


 

mrt

Тагови

Слични написи

Back to top button
Close