Експертската јавност воопшто не располага со податоци за да може да креираат соодветни стратегии за заштита на земјоделството од климатските промени, вели професорот Ордан Чакалиев од Земјоделскиот Факултет.
Министерот за земјоделство Трајан Димковски вели дека се преземаат повеќе мерки со цел ублажување на штетите настанати од климатските промени, а ќе се зголемат и парите за субвенционирање на осигурувањето на посевите и другите заштитни мерки што треба да ги инсталираат самите земјоделци за да си го заштитат родот.
Земјоделците, пак, велат дека прескапо е за нив да инсталираат заштита за посевите, а најзагрозени од климатските промени се грозјето, пченката, јаболките, доматите и пиперките.
Странските експерти советуваат дека заштитата мора да се одвива на две нивоа, државата да обештети доколку има потреба, но и земјоделците мора да преземат се што е потребно за претходно да го превенираат насадот.
извор: Сител
