„Пчиња“ со две планирани порибувања оваа година

Оваа година реката Пчиња два пати ќе биде порибена, информираат од Спортското риболовно друштво „Пчиња“.

Се планира порибување со 30 кг македонска пастрмка и 50 кг крап, со цел обновување на рибниот фонд.

„Порибувањето ќе се изврши во текот на годината зависно од временските прилики и водостојот на реката. Најдобро е да се направи во пролет или во доцна есен затоа што водостојот е постојан, а ако се порибува во лето, водата е плитка и рибите можат да бидат уловени од рибокрадци“-вели Роберт Лазаревски, претседател на „Пчиња“.

Риболовците од ова друшто годинава ќе учествуваат на локални купови, државни првенства и балканско првенство во риболов.