Нутриционистите предупредуваат на опасностите од употреба на пестициди во овошјето и зеленчукот

Земјоделците мора итно да престанат да користат пестициди за побрз раст на овошјето и зеленчукот, бидејќи тие претставуваат голем ризик за здравјето, предупредува нутриционистката Валбона Кадриу. Според неа, овошјето и зеленчукот со вода може да се исчистат од прашина, но не секогаш целосно. Но, пестицидите што се користат за нивно растење завршуваат во човечкото тело и можат да предизвикаат болести. Децата, хронично болните и бремените жени се најмногу изложени на ризик.

„Но, мора да кажеме дека со користење на голема количина вода за миење, овошјето губи витамини. Тоа е меч со две острици. Кај млечните производи и месните производи, ризикот е уште поголем. Покрај физичка контаминација, може да имаме и микробиолошка или бактериска контаминација. Особено кај млечните и месните производи на високи температури, ризикот од развој на бактерии е многу, многу висок. Загадувањето на овие производи може да биде фатално кај возрасни, а особено кај деца, луѓе со хронични заболувања или бремени жени“, рече Валбона Кадриу – нутриционист.

Овој проблем што досега беше нерешен, според министерот за економија, Крешник Бектеши наскоро ќе биде решен. Според него, измените на Законот за заштита на потрошувачите следниот месец ќе бидат доставени до Владата и Собранието.

„Веќе ги подготвуваме измените и дополнувањата на Законот за заштита на потрошувачите и на делот за безбедност на производите. Таму се наведени фиксните стандарди кои мора да се исполнат и истовремено се наведува во кои продавници може да се продаваат одредени производи“, рече министерот Бектеши.https://alsat.mk/mk/nutritsionistite-predupreduvaat-na-opasnostite-od-upotreba-na-pestitsidi-vo-ovoshjeto-i-zelenchukot/