Вести
Објавен оглас за закуп на државно земјиште
Во Свети Николе и во Ресен објавен е оглас за закуп на мали државни земјоделски парцели. Површините се нудат наменски. За изградба на откупно дистрибутивен центар и за оранжерија за градинарски култури или за овошен саден материјал.
Вкупно на огласот се понудени скоро еден и пол хектар државно земјиште во Свети Николе и во Ресен. Право на учество имаат правни и физички лица, а критериумите за избор се одалеченост на местото на живеење од земјоделското земјиште, понудена годишна закупнина и правниот статус на понудувачот.
На површината во Ресен, треба да се изгради откупно-дистрибутивен центар со минимална инвестиција од 200.000 евра, и со рок на изградба за 4 години.
Во Свети Николе пак, се нуди државно земјоделско земјиште за изградба на оранжерија за производство на градинарски култури и на овошен саден материјал. Минимална инвестиција е 800.000 евра, а рокот за изградба на оранжеријата е 4 години.
Понудите се поднесуваат 30 дена од објавувањето на огласот.
