Пет каснувања од змии во последните недели во прилепско поле
Змии по полињата најчесто поскок
Во последните две-три недели, во Прилеп имало пет каснувања од змии, на полињата каде работат полски работи, а пациенти во Брзата помош се жалаат на каснувања од инсекти.
За 60-тина насто се зголемени интервенциите на службата за итна медицинска помош во Прилеп и за 20 до 30 повеќе амбулантски прегледи на пациенти од вообичаеното. Во викендот интервенциите и повиците се уште поголеми. Прилепската служба на Итната помош со полни раце работа, а екипите се снаоѓаат како знаат и умеат за да им пружат медицинска помош на жителите во Прилепскиот регион. Најчести пациенти се оние со хроничните заболувања.Зголемени се каснувањата од инсекти, крлежи, а последниве две недели имале пет интервенции на граѓани каснати од змии. За среќа, не завршиле фатално, а три случаи се префрлени на клиниките во Скопје.
Во овие две -три недели имавме пет каснувања од змии, на полињата каде работат полски работи. Пациентите се жалаат на каснувања од инсекти. Паниката е многу поголема од здравствениот проблем. Битно е првилен одговор на лекарот. Кај пациентите каснати од змии, за среќа немаа фатални компликации. Се препраќаат на инфективното одделение, три случаи пративме на клиниките во Скопје. Беа во добра здравствена состојба, се дава серум, се снаоѓаме. Во прилепско најмногу ја има отровната змија поскок, но битно е пациентот да не паничи и да даде вистински одговори за да реагираме. Има и каснувања од крлежи, објаснува д-р Аврамовски.
Остануваат препораките да се внимава, да не се излегува на жештините, да се конзумираат течности и при секоја промена да се консултираат со лекар. Прилепската Служба за итна медицинска помош дава здравствени услуги на околу 100 000 жители од Прилепскиот регион.https://nezavisen.mk/
