Петок е неработен ден за граѓаните од православна вероисповед

Петок 18 јуни е неработен ден за сите граѓани од православна вероисповед. Станува збор за празникот Духовден кој верниците го слават во чест на починатите, а по него ни следува споен викенд дури на почетокот на месец август. Духовден е еден од најголемите 12 христијански празници. Се нарекува уште и Педесетница и е еден од најрадосните и најсветли празници во христијанството во кој се слави слегувањето на Светиот Дух врз апостолите на педесеттиот ден од Христовото воскресение. Овој настан претставува исполнување на старозаветните месијански пророштва.

Следен неработен ден кој ќе ни донесе продолжен викенд е 2 Август кога се слави денот на републиката.