вестиСоветиТоп вести

Практични совети за употреба на Тераграмин – подобрувач на почва при одгледување на градинарски култури

(Oвој напис е објавен на: февруари 11, 2019)

 

Почвата за одгледување градинарски култури треба да биде растресита, плодна со добра структура, во која што непречено ќе се развива кореновиот систем и од каде растенијата ќе се снабдуваат со хранливи материи, вода и кислород во текот на целата вегетација. За менување на структурата на почвата и подобрување на нејзините физички својства неопходно е да се употребува Тераграмин, со што ќе се олесни обработката и ќе се намали нејзината  пластичност и лепливост. На помали површини Тераграмин може да се нанесе рачно со растурање во редовите за садење, а потоа да се исфрезира за да се измеша добро со почвата. На поголеми површини се аплицира со ѓубре-растурач пред подготовката на почвата. Прво се нанесува на површината, потоа се заорува, се додава основното ѓубриво и се фрезира за негово рамномерно инкорпорирање. При употребата на Тераграмин битно е тој да не остане на површината на земјата, туку да навлезе во корисниот слој, во кој ќе се развива коренот. Откако ќе се нанесе, тој станува составен дел на почвата и во наредните години обезбедува нејзина подобрена структура, регулиран топлотен и водно-воздушен режим, зголемен капацитет за задржување на влагата и поекономично искористување на хранливите материи од ѓубривата.

 

Препорачлива количина на Тераграмин за производство на пиперка е 4-6 кг/м2. Пиперката бара лесни, песокливи и алувијални почви, доволно светлина и вода. Со употребата на Тераграмин се разровкува почвата и се зголемува нејзиниот капацитет за задржување на влагата.  На овој начин поекономично се искористуваат водните ресурси и се редуцира наводнувањето, како и подобро се искористуваат хранливите материи од ѓубривата. Силициумот во составот на Тераграмин ја поттикнува фотосинтезата и ја интензивира размената на хранливите материи. Растенијата кои се одгледуваат на почва третирана со Тераграмин се поотпорни на биотски и абиотски стресови, особено ако расадот е произведен во смеска во која имало Тераграмин, до 20%, за побрзо прортување и развој на здраво и напредно растение.

Препорачлива количина на Тераграмин за производство на краставици е 6 кг/м2. Со употребата на Тераграмин пред садењето на краставици се постигнува побрз развој, поради подобрената снабденост со влага, хранливи материи и топлина. Краставицата е култура која бара големи количини на вода, а Тераграмин-от, ја впива во себе и не дозволува да дојде до нејзино заминување во пониските слоеви каде што нема да му биде достапна на растението.  Под почвената покорица која се создава на површината при сушно време, влажноста на почвата се задржува во и околу кореновиот систем, така што краставицата има доволни резерви на вода и растворени хранливи материи за раст и развој.

Препорачлива количина на Тераграмин за одгледување на црвен домат е 4 кг/м2. Пред садењето на доматот почвата треба да се изора длабоко, да се нанесе Тераграмин и да се обработи со фреза. Најголемата маса на кореновиот систем кај доматот се развива на длабочина од 40-50 цм, што зависи од квалитетот на почвата. Оние почви кои содржат многу глина не се поволни за добар развој на кореновиот систем, но кај почвите третирани со Тераграмин се подобрува развојот на кореновиот систем и усвојувањето на макро и микро елементите. Се поттикнуваат физиолошките процеси во растението, со подобрата редистрибуција на хранливите материи. Поради тоа се овозможува подобро формирање на плодови и поттикнување на метаболичките процеси и активности на сите делови на растението. Се скратува времето на вегетација, културите имаат забрзан раст, развој на стебло, листна маса, подобро цветање, со што се добива поквалитетен и побогат род.

Препорачлива количина на Тераграмин за одгледување лубеница е 2,5 кг/м2. Ефектите кои се забележуваа со примената на Тераграмин при производството на култури како што е лубеницата, која бара повеќе вода се: побујна вегетација, подобар и порамномерен развој, полно цветање и плодоносење, зголемен број на родни гранки за разлика од нетретираните растенија и зголемен принос. Развиената листна маса ги штити плодовите од пожолтување поради високите температури и од директна сончева инсолација, со што се добиваат здрави, зрели и квалитетни плодови.

Препорачлива количина на Тераграмин за производство на зелка е од 2-4 кг/м2 во зависност од почвата. Зелката најдобро успеава на длабока, плодна и структурна почва и има потреба од добра обработка и поголема влажност во почетокот на вегетацијата. Во своите гранули со порозна структура Тераграмин-от апсорбира до 60% течност (вода и растворени ѓубрива) кои ги прави достапни до кореновиот систем и тоа на подолг рок, затоа што не доаѓа до нивно измивање. Растенијата кои се развиваат во почва третирана со Тераграмин се понапредни во својот развој, формираат покрупни плодови и побрзо стасуваат за берба.

Квалитетот на почвата како природен ресурс е од витално значење за успешно  земјоделско производство. Но како резултат на човековите активности, прекумерното третирање со хемиски средства и интензивното ѓубрење доаѓа до нарушување на нејзиниот природен баланс. Со соодветна употреба на подобрувачот на почва Тераграмин како дел од добрата земјоделска пракса се поправаат аномалиите од неадекватните практики во земјоделството со кои бил нарушен  природниот капацитет на почвата.

 

Зелена барза

 

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close