Пред Нова година се очекува исплата на средства за производителите на ориз, јаболка и грозје

-Станува збор за околу 8.5 милиони евра, што заедно со петте милиони евра исплатени за тутунот, прави цифра од 13,5 милиони евра, средства кои се одвоени од буџетот на државата како интервентна помош за земјоделците. Средствата за помош на производителите на ориз, јаболка и грозје ќе бидат исплатени деновиве, пред крајот на годинава – изјави Трајан Димковски, заменик министер за земјоделие во интервју за емисијата „Аграр“ . Димковски најави дека се изнајдоа законски решенија со чија помош до крајот на годината ќе бидат исплатени парите за поддршка на производството на ориз, јаболка и грозје.