Агро бизнисВестиМакедонијаТоп вести
Претежно облачно со врнежи од дожд, наместа во западните делови пообилни (над 40 l/m²)
Минималната температура утрово е во интервал од -5°C во Берово до 3°C во Претор и Дебар. Најмногу дожд за изминатите 24 часа до 07 часот наврна во Лазарополе 15 l/m².
Претежно облачно со врнежи од дожд, наместа во западните делови пообилни (над 40 l/m²). Ќе дува засилен јужен ветер, кој во текот на ноќта ќе го промени правецот во северен (над 70 km/h). Врнежите од дожд најпрвин на планините ќе преминат во снег, а потоа и на некои пониски места и ќе се формира снежна покривка.
Во Скопје претежно облачно, попладне и во текот на ноќта со врнежи од дожд, повремено пообилни. Ќе дува умерен, до засилен јужен ветер. Во текот на ноќта со засилен северен ветер ќе има услови во повисоките делови од котлината врнежите од дожд да преминат во снег со слаб интензитет.
ВРЕМЕТО ВО СЛЕДНИТЕ ДЕНОВИ: Во сабота во претпладневните часови времето ќе биде променливо облачно со повремен снег, претежно во западните делови. Ќе дува умерен, долж Повардарието засилен ветер од северен правец (над 70 km/h). Во деновите потоа времето ќе биде стабилно и тивко со ниски утрински температури и појава на магла по котлините.
