вести

Привршува пролетната сеидба во Крива Паланка и Ранковце

(Oвој напис е објавен на: април 26, 2017)

seidba

Од вкупно планираната површина од 1.318 хектари за засевање со Планот за пролетна сеидба за 2017 година за општините Крива Паланка и Ранковце, досега се засеани 960 хектари.

Од Подрачната единица на Министерството за земјоделство, шумарство и водостопанство, Крива Паланка, информираа дека сеидбата на речиси деведесет отсто од житните, земјоделски и фуражни култури е завршена.

Најголема површина е засеана со јачмен и компир.

– Јачмен и компир се посеани на по 230 хектари, од кои јачменот е посеан сто отсто од планираната површина, додека останува да се посее компир на уште 70 од вкупно планираните 300 хектари. Комплетно е завршена сеидбата на пролетн рж, овес, кромид, лук и грашок, а посеана е и целата површина планирана за фуражни култури, луцерка, детелина и добиточен-грашок, сено, истакнаа од Подрачната единица на МЗШВ, Крива Паланка.

Најмал е процентот на засеана површина со пченка, десет отсто, а од планираните вкупно 320 хектари засеани се само 32.

Најголем дел од површината според Планот за сеидба за пролет 2017 година на подрачјето на општините Крива Паланка и Ранковце била засеана од страна на индивидуални земјоделци, 790 хектари, додека на 170 хектари површина сеидбата ја реализирале земјоделските стопанства.


 

сител.мк

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close