ПРОЧИТАЈТЕ-Кој махер под фолија прави ќар од 2 милиони евра за девет месеци!

Конечно добри бизнис вести од производител на храна и тоа на раноградинарски производи. „Оранжерии Хамзали“ има повеќе од солидна година и добивка која надмина 2 милиони евра за девет месеци и е поголема за повеќе од пола милион евра од лани. Резултатот е компилација од кратење на трошоци и раст на продажба

Струмичката компанија „Оранжерии Хамзали“ , на Васе Митев, има исклучително добра и успешна година. За првите девет месеци оваа компанија специјализирана за производство на раноградинарски производи под стакленици направи добивка од 2 милиони евра. Тоа е за 29 отсто подобар резултат во споредба со истиот период лани и е многу пријатна вест во овие тешки и неизвесни услови на стопанисување.

Оваа струмичка компанија за првите девет месеци произвела и продала храна во вредност од 5,8 милиони евра што е за 9 отсто повеќе во однос на претходната година. Од тоа на домашниот пазар завршиле домати, краставици, пиперки и други раноградински продукти во вредност од 4,7 милиони евра или 15 отсто повеќе од истиот период лани.

Од извоз компанијата инкасирала 1,1 милиони евра или 11 отсто помалку од лани, објави Фактор.

На страната на трошоците евидентен е пораст за 14 отсто. Тие достигнале 3,5 милиони евра. Навистина вредна за истакнување е ставката трошоцит за вработените која изнесува 1,55 милиони евра. Но не затоа што е најголема од сите ставки туку затоа што компанија во првите девет месеци платила двојно повеќе на своите вработени во споредба со истиот период лани.

Каде „Оранжерии Хамзали“ ја направи разликата?

Евидентно е намалување кај две трошковни ставки. Првата е во оперативните трошоци и станува збор за услугите со карактер на материјални трошоци. Тука компанијата заштедила над 620.000 евра во споредба со истиот период лани односно 96 отсто помалку од платениот износ лани за таа намена. Другата значајна заштеда и кај финансиските расходи. Тука компанијата направила заштеда од 70 отсто и тој трошок го свела на 150.000 евра,а претходната година во истото време за тоа платила половина милион евра.

Најголем акционер во „Оранжерии Хамзали“ е струмичанецот Васе Митев кој поседува 87,7 отсто од акциите на фирмата.https://faktor.mk/