Агро бизнисБез категоријаВести
Променливо облачно вдолж Повардарието и по одделни котлини со појава на магла
Утрово е -2 во Берово, -1 Демир Капија, Куманово, 0 Попова Шапка, Струмица, Велес, 1 Скопје-Петровец, Кавадарци, Гевгелија, Крива Паланка, 2 Дојран, Тетово, Штип, Скопје-Зајчев Рид, 3 Битола, Лазарополе, 4 Крушево, Маврови Анови, Виница, 5 Претор, 7 Прилеп, 8 Охрид, 10 Дебар.
ВРЕМЕТО УТРЕ: Променливо облачно, вдолж Повардарието и по одделни котлини со појава на магла. Попладне во западните и северните делови ќе има повремен локален дожд. Ќе дува слаб до умерен, а наместа во западните делови повремено засилен ветер од западен до југозападен правец.
Во Скопје променливо облачно и магливо, во делови од регионот со услови за слаб дожд.
ВРЕМЕТО ВО СЛЕДНИТЕ ДЕНОВИ: Преодно стабилизирање на времето ќе има во петок и во сабота претпладне. Нов влажен бран со врнежи претежно од дожд, само на високите планини од снег ќе започне од сабота кон крајот на денот, а повремено пообилни врнежи ќе има во ноќта кон недела и недела. Во понеделник ќе биде постудено, со услови за појава на дожд со слаб интензитет, а слаб снег ќе провејува на планините и понекаде во повисоките места.
