Променливото време штети за земјоделството

Температурните осцилации и ниските утрински температури штетно влијаат врз овошките, раноградинарските култури, како и врз пролетното жито.

Дел од раноградинарите велат дека ваквата состојба ќе се одрази врз квалитетот и родот на доматите, краставиците, зелката, но и врз пролетното жито. Агрономите апелираат, земјоделците да внимаваат на појава на штетници. Ако забележат такво нешто веднаш да применат соодветни агротехнички мерки.

Според синоптичарите цел мај ќе биде со променливо време. Утринските температури ќе се движат од 6 до 14, а дневните од 16 до 27 степени.