Се зголемува продажбата на трактори во Европа, Хрватска води

(Oвој напис е објавен на: June 8, 2018)

Во 30 Европски земји, регистрирани се вкупно 161 235 трактори, што претставува зголемување за 12,8 %, во однос на 2016 година.

На европскиот пазар, минатата година забележано е зголемување на продажбата на трактори со кулминација во декември 2017 година. Од Европската комисија за земјоделска механизација (CEMA), тоа го објаснуваат со новите технички барања за тракторите кои започнаа да се применуваат од оваа година. Барањата се однесуваат на различни аспекти, како на пример во осветлувањето и кочењето, така што сите трактори кои не ги задоволуваат критериумите на новата регулатива, морале да бидат регистрирани или ставени на пазарот, пред тој рок.

Најбарани се тракторите под 50 коњски сили

Според нивните податоци, во 30 европски земји (ЕУ 28 без податоци за Бугарија, Кипар, Малта и Романија, но вклучувајќи ги Босна и Херцеговина, Исланд, Молдавија, Норвешка, Србија, Црна Гора и Швајцарија), минатата година регистрирани се вкупно 161 235 трактори, што претставува зголемување за 12,8% во однос на 2016 година, наведува „Глас Славоније“.

Забележлив е пораст на побарувачката на трактори (38,41%) под 50 коњски сили, додека продажбата над 50 КС останала стабилна (благ пораст од 6,45%) до декември. Во декември, повторно е забележан пораст на продажбата во сите сегменти, освен во сегментот од 100 до 150 КС, чија продажба лесно се намалила.

Според податоците од продажбата во 19 Европски држави, многу пазари, почувствувале пораст на продажбата, со исклучок на финскиот пазар, кој бележи најголем пад на продажбата (10,8% во однос на 2016), потоа литванскиот (-9,8%), шведскиот (-5,1), швајцарскиот (-4,1) и британскиот пазар (-0,7%).

Хрватска рекордер во зголемувањето на продажбата

Рекордер во зголемувањето на продажбата е Хрватска со 91,5 %. Така, минатата година во Хрватска се продадени 854 трактори, што е двојно повеќе од 2016 година, кога се продадени 446 трактори, односно трипати повеќе од 2015 година, кога се продадени околу 278 трактори. Овој тренд во Хрватска и понатаму продолжува, имајќи го предвид фактот дека во првите четири месеци годинава, продадени се 276 трактори.

„Зголемувањето на продажбата на тракторите е резултат на две работи кои се случуваат во Хрватска, од кои на прво место се европските поттикнувања за инвестирање во земјоделството. И кај малите, кај младите и кај големите земјоделци постои многу голем интерес за набавка на трактори и друга механизација, така што побарувачката на одредени тендери кои се отвараат, повеќекратно го надминува бројот на средствата кои се на располагање. Другата, многу важна причина за зголемената продажба на трактори и друга механизација е подобрувањето на приносот и на цената на земјоделските производи, што започна со есенската берба, жетва и вадењето на шеќерната репка во 2016 година, а продолжи во 2017“, вели Фрањо Доминиковиќ, потпретседател на Здружението на продавачи на земјоделска механизација и опрема во Република Хрватска.

После Хрватска, следува Словенија со 27,1%, Данска со 25,1%, а потоа Италија со 23,8.

Џон Дир (John Deere) – најпродаван бренд

Во наведените 19 избрани држави, најпродаван бренд е John Deere со 25 141 продадени примероци, на второ место е New Holland со 20 991 продадени трактори, додека третото место го делат Kubota (13.507) и Fendt (13.367). Во 2017 година, во споредба со 2016, најмногу се зголемила продажбата на Iseki (за 97,9 posto).

Во CEMA, на крајот заклучуваат, дека, пазарот на земјоделски машини, вклучувајќи комбајни, распрскувачи, балирачи и косилки, генерално, имал позитивна година. Според предвидувањата на нивниот барометар, се надеваат дека истиот тренд на понатамошен раст, ќе продолжи во 2018 година.

Погледнете ја табелата со споредбена анализа за досегашниот период:

Движење на Европскиот пазар
 

Држава

 

2017

 

2016

 

Разлика во проценти

Три најпродавани брендови
Австрија 5416 4861 + 11,4 Steyr, Lindner, New Holland
Белгија 2452 2374 +3,3 New Holland, John Deere, Fendt
Бугарија 1340 1222 +9,7 John Deere, New Holland, Kubota

 

Чешка 2232 1881 +18,71 Zetor, John Deere, New Holland

 

Данска 1913 1529 +25,1 New Holland, John Deere, Case IH

 

Финска 1611 1807 -10,8 Valtra, John Deere, New Holland

 

Франција 34 287 31 042 +10,5 Kubota, John Deere, New Holland

 

Хрватска 854 446 +91,5 John Deere, Deutz-Fahr, Lamborghini

 

Италија 22705 18341 +23,8 New Holland, Goldoni, Antonio Carraro

 

Литванија 1456 1615 -9,8 John Deere, New Holland, Massey Ferguson

 

Норвешка 3316 3085 +7,5 Valtra, Massey Ferguson, John Deere

 

Германија 33695 28248 +19,3 John Deere, Fendt, Deutz-Fahr

 

Полска 10850 8952 +21,2 New Holland, John Deere, Zetor

 

Португалија 9346 8797 +6,2 Kubota, New Holland, John Deere

 

Словенија 1411 1110 +27,1 New Holland, John Deere, Deutz-Fahr

 

Шпанија 12 457 11 434 +8,9 John Deere, New Holland, Kubota

 

Шведска 3341 3520 -5,1 John Deere, Valtra, Massey Ferguson

 

Швајцарија 2378 3480 -4,1 Fendt, New Holland, John Deere

 

В. Британија 12 025 12 112 -0,7 John Deere, New Holland, MF (s Challangerom)