fbpx
ВестиВино

Нови медали за врвните вина на „Тиквеш“

tikves

Уште еден златен медал за врвното автентично вино на Винарската визба „Тиквеш“, „Вранец спешал селекшн“ од бербата 2015. Овој пат највисоката наградата е доделена на најголемиот меѓународен вински натпревар што се одржува во Канада (Selections Mondiales de vins Canada), во конкуренција од над 1800 вина од целиот свет.

Истовремено, на својот прв настап на еден од најреномираните натпревари во Италија (Citta del Vino), во конкуренција од над 1200 вина, кои главно потекнуваат од винските региони на Италија и Португалија, врвното тероар вино на „Тиквеш“ – „Барово (црвено) 2015“ исто така се закити со златен медал.

Покрај освоените златни медали на овие два реномирани светски вински натпревари, вината на „Тиквеш“ оставија одличен впечаток и на регионалниот натпревар Балкански интернационален вински натпревар 2017 (Balkans International Wine Competition 2017), што се одржува во главниот град на Бугарија, каде четири вина на „Тиквеш“ се наградени со сребрени медали, и тоа: „Вранец спешал селекшн“ и „Александрија куве црвено“ од бербата во 2015, како и „Каберне Франк спешал селекшн“ и „Темјаника спешал селекшн“ од бербата 2016.

Со овие високи награди, освоени на престижните светски и регионални вински натпревари, Винарската визба „Тиквеш“ и оваа година е на прагот да го повтори успехот од минатите години кога редовно го надминуваше бројот од 50 признанија за своите врвни автентични вина, со што го потврдува епитетот најнаградувана винарница од целиот регион.

Македонското премиум вино „Домен Лепово гранд куве“, од бербата 2013 доби уште една потврда за својот квалитет, овој пат освојувајќи златен медал на меѓународниот вински натпревар во Канада (Selections Mondiales de vins Canada).

Во 2017 година, ова е втор златен медал за „Домен Лепово гранд куве“ на меѓународно ниво. Тоа претставува најдобра потврда за неговото високо реноме, исклучителен квалитет и уникатен карактер.

Дополнително, стручното жири на годинешното издание на Балкански интернационален вински натпревар (Balkans International Wine Competition) му додели бронзен медал на „Домен Лепово шардоне“ од бербата 2016, со што ова вино го повтори успехот од претходно одржаниот светски вински натпревар Интернационален вински предизвик 2017 (International Wine Challenge 2017) во Лондон.

 


 

репортер

Тагови

Слични написи

Back to top button
Close