вестиСовети

Сеидба на пченка

(Oвој напис е објавен на: октомври 10, 2018)

pcenka

Пченката треба да се одгледува во плодоред. Плодоредот како огромерка во интензивното производство овозможува ефикасна борба против плевелите, штетниците и болестите. Пченката како окопна култура може со успех да се одгледува по секоја култура, до колку интензивно се ѓубри и се наводнува.

Основната обработка треба да се изврши на длабочина од 30-40 см до Октомври, но доколку постојат услови за обработка во текот на зимата подобро е таа да се изврши, отколку да се остави за пролет. До колку од оправдани причини се врши во пролет, треба да се пристапи што порано, штом се потсуши почвата и истата се ора поплитко.

Ѓубрењето е важна мерка во производството на пченката бидеќи таа произведува голема количина на органска маса. Минералното ѓубривo се користи како основно, стартно и за прихранување. За принос на хибридната пченка од 1о т/ха, во почвата треба да се внесат во вид на ѓубриво следните количини на основните хранива: Азот 120-180 кг/ха, Фосфор 70-120 кг/ха и Калиум 40-120 кг/ха. Дали ќе се внеси помала или поголема количина, зависи од многу фактори а особено од типот на почвата, што значи потребно е да се направи анализа на почвата. Основното ѓубрење се врши пред орањето, а стартното за време на предсеидбената обработка. Целокупната количина на фосфор, калиум и дел од азотот, или 60-70% од овие ѓубрива се внесуваат пред орањето, а помал дел за време на предсеидбената обработка. Остатокот од азотот се внесува со предсеидбената обработка и со прихранувањето.

За да се изврши сеидбата квалитетно, потребно е навремено и квалитетно да се изврши предсеидбената обработка. Почвата треба да е добро иситнета и рамна.

Сеидбата е комплексна агротехничка мерка, а грешките направени во сеидбата неможат да се поправат. Оптималното време за сеидба се одредува во зависност од температурата на почвата и времето на последните пролетни мразеви. Минималната температура на почвата треба да биде над 10оС на длабочина на која се врши сеидбата. Во наши услови заради различниот рељев и клима во различни подрачја, како оптимален период за сеидба се смета од средината на Април до средината на Мај. Во овој период се сеат хибриди со подолга вегетација, а кога сеидбата доцни, треба да се изберат хибриди со покуса вегетација.

Сеидбата се врши на меѓуредово растојание од 70 см, а во редот во зависнос од потребниот број на растенија по ха.

ФАО група

Растојание во редот во см.

Број на растенија по ха

100

16-20

70-90.000

200 i 300

18-22

65-80.000

400 i 500

22-28

50-65.000

600 i 700

26-35

40-55.000

До колку сеидбата се врши рано и при нормална влажност на почвата, се сее на длабочина од 4-5 см, а при доцна сеидба на 6-7 см, бидејќи горниот слој на почвата е сув и нема доволно влага за никнење.

За заштита од нај честите земјишни штетници (телени црви, совица) се користат земјишни инсектициди (Volaton G-5, Durzban, Posse 25 EC и др), а после никнење за сузбивање на совицата и други штетници се врши фолијарно третирање со инсектициди.

Како широкореден посев, пченката има големо растојание меѓу редовите и

растенијата во редот. Во првите фази на развојот, пченката споро расте при што тоа му годи на плевелите да растат и да се развиваат. Со примената на хербициди, на пченката му овозможуваме да расте и да се развива без конкуренција на плевелите.

Сузбивањето на плевелите со хербициди може да се врши по сеидба пред никнење (Dual Gold 960 EC, Frontier 900 EC, Racer 25 EC, Akris и др.) или по никнење во вегетација ( Stelar, DMA extra 600SL, Motivel, Stomp 330E, Deherban, Dikocit и др.)

До колку сеидбата е извршена во сува почва се врши валање, со цел да се воспостави подобар контакт на семето со почвената влага, а до колку се појави покорица по сеидбата истата треба да се разбие.

Ако сеидбата не е извршена на директно растојание, се врши проредување за да се отстранат поголемиот број на растенија од посакуваниот склоп.

Култивирањето се врши со цел да се уништат плевелите и да се одржи површинскиот слој на почвата во ровкава состојба. Обично се вршат две култивирања, а се почнува кога пченката има 2-3 лисја, и се врши се до формирање на 7-9 лисја.

Прихранувањето со планираната количина на азот, најчесто се врши 1-2 пати, со култивирањето. До колку се вршат две прихранувања, првото се врши во фаза кога пченката има 2-3 лисја, а второто во фаза на 7-9 лисја.

Култивирање со прихранување

Наводнувањето е една од најважните мерки за добивање на високи приноси. Бројот на наводнувањата и заливната норма зависат од количината на врнежи и фазата на развој на пченката. Во почетокот заливната норма е помала од 25 до 30 мм, а подоцна, во фаза на појава на репродуктивните органи од 50 до 60 мм. Наводнувањето може да се врши со: бразди, вештачки дожд или систем капка по капка. Капковото наводнување дава одлични резултати, бидејќи при истото може да се врши прихранување во повеќе наврати и во подоцна фаза.

 

 

Валентина Соколовска

за Зелена берза

 

 

 

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close