![sredba na inspektorite od oblasta na zemjodelstvoto](https://zelenaberza.com.mk/wp-content/uploads/2016/06/sredba-na-inspektorite-od-oblasta-na-zemjodelstvoto.jpg)
Средба на инспекторите од областа на земјоделството
Државниот инспекторат за земјоделство интензивно ќе работи на спроведување на обврските што произлегуваат од над 30-тина закони со кои е регулирана сферата на производство на храна.
Ова беше посочено на состанокот на инспекторите од југозападниот дел на Македонија со директорот на Државниот инспекторат за земјоделство, Цветан Трипуновски.
Како што информираат ова е особено значајно кога сме во фаза на подготовка за жетва на есенските култури, но и поинтензивна примена на заштитни средства во овоштарството и градинарството кое е најзастапено во овој регион.
Во наредниот период инспекторите од Државниот инспекторат за земјоделство поинтензивно ќе бидат ангажирани во делот на рибарството и аквакултурата што е обврска на оваа институција.
Трипуновски го проследи извршувањето на концесионерскиот договор во риболовната зона која е дел од ХЕЦ „Глобочица“ во објектот Далјан кај Струга, каде што се врши стопански риболов на јагула.
Концесионерот „ Летница-Белвица“ – од Струга го информираше директорот за минатогодишниот стопански риболов на јагула што се проценува за над 400 килограми.