Јосифовски-Излезот не е во бојкот, туку во динамичен откуп со повисоки цени на тутунот
Никој нема право да си игра со судбината на над 100 илјади тутунари и нивните семејства.
-Ваков прв откупен ден не е запаметен во македонската тутунска историја.Мизерно и тажно изгледаа откупните пунктови ширум Македонија . Очигледно е дека тутунарите конечно се обединети и решени да издржат во битката за пристоен живот. Ова е сеопшт бојкот и би требало конечно да ги освести откупувачите и министерот за земјоделство, вели Васко Јосифовски од здружението на тутунари Тутунска надеж.
Но, до кога бојкот?До последниот ден? Излезот не е во бојкот, коментира Јосифовски.
-Излезот е во брз почеток на нормален откуп по прифатливи цени за тутунарите. Никој нема право да си игра со судбината на над 100 илјади тутунари и нивните семејства. Го повикуваме министерот Љупчо Николовски без одлагање да изнајде начин да се постигне цена која ќе биде оправдана и прифатлива за тутунарите и да се тргне со динамичен откуп, заклучува Јосифовски.
Јосифовски вели дека доколку дојде до влошување на егзистенцијата на тутунарите и нивните семејства, поради непродаден тутун – НАЈАВУВАМЕ СЕРИОЗНИ СОЦИЈАЛНИ НЕМИРИ И ГРАЃАНСКА НЕПОСЛУШНОСТ, предупредува Јосифовски од Тутунска надеж.
