УБАВА ВЕСТ! Одгледувачите на овци ќе ги добијат субвенциите за грло овца, налозите се доставени до Трезорот

Зелена берза праша а директорката на Платежната агенција Даниела Иротова ни одговори – Дали субвенциите за одгледувачите на овци ќе бидат исплатени пред Нова година, или исплатата ќе се пролонгира за 2026 година?

„Основната мерка за одгледувачите на овци е сработена од Агенцијата и сите налози за исплата за 1212 корисници на оваа мерка денес се доставени до Трезорот за исплата со вкупна вредност од 327.274.839,00 денари за одгледувачите на овци.

Дополнително денес во Трезорот се доставени и исплатите за платата за овчарите за 2024 година каде од вкупно 48 апликанти комплетирани се 26 со вкупна висина на поддршка 16.000.000,00 денари, а останатите по докомплетирање ќе бидат доставени до Трезорот за исплата.

Дополнително се доставени до Трезор налози за исплата за мерката за платите за Земјоделските задруги регистрирани за вршење земјоделска дејност во висина од 834.474, денари, ни одговори директорката на Платежната агенција Даниела Иротова за Зелена берза .

Анета Блажевска