Во село Олевени се пукало со огнено оружје

СВР Битола соопшти
На 24.08.2024 во 22.30 чaсот, полициски службеници од СВР Битола ги лишиле од слобода П.К.(41) од с.Олевени, битолско и Т.В.(43) од Битола, постапувајќи по претходна пријава дека околу 20.50 часот во с.Олевени пукале од огнено оружје.  Полициски службеници извршиле увид и на местото биле пронајдени седум чаури од пиштолска муниција. Подоцна, од Т.В. бил одземен пиштол калибар 9мм, рамка за пиштолот, куршуми со калибар 9 мм и чаура. По целосно расчистување и документирање на настанот ќе следува соодветна пријава.