вести

Задруги и консолидирано земјиште за конкурентно земјоделство

(Oвој напис е објавен на: август 3, 2017)

soncogled

Ако сака да има модерно, конкурентно, извозно ориентирано земјоделство, Македонија треба да го развива задругарството и да го спроведе процесот на окрупнување на обработливите површини, порачуваат домашните и странските експерти.

Но, ова е подвлечено и во сите анализи изготвени минатите години, а го покажуваат и досегашните искуства.

– Ситните приватни земјоделски стопанства се економични само до извесен степен за сметка на големата трудоинтензивност. Ниско стоково стопанство не може да биде конкурентно способно и да ги применува соодветно научно-техничките достигнувања во земјоделството, велат експертите.

Задругарството е веќе еден од клучните сегменти на македонската аграрна политика. Подразбира здружување на земјоделците што, пак, значи гаранција за квалитетно, усогласено, планско производство, примена на високи технологии, добра земјоделска пракса, сигурен пласман, освојување на надворешните пазари,… Преку формирањето задруги, земјоделците можат и полесно да аплицираат за финансиска поддршка од државата и од ИПАРД фондовите.

Во Македонската асоцијација на земјоделски задруги засега има 39 членки. Според претседателот на Асоцијацијата Менде Ивановски, се прават напори кооперативното здружување да профункционира многу подобро. – Задругите се првиот чекор што земјоделците мора да го пројдат. Здружувањето на ситни производители мора да се одвива, а формата на таквото здружување се задругите кои се покажуваат како успешен модел низ целиот свет и ние ќе мора да го пренесеме и тука, во Македонија, вели Ивановски.

Во Македонија засега има два закона согласно кои се регистрираат и функционираат земјоделските задруги, а тоа, оценува Ивановски, е огромен проблем.

Окрупнувањето на земјиштето, пак, е вториот многу важен сегмент на кои македонското земјоделство мора да се посвети. Моментната неповолна структура на земјоделските површини кои се мали и фрагментирани, има директно негативно влијание врз економичноста, приходите и профитабилноста на земјоделските стопанства.

Просечната големина на обработливите површини по стопанство е 1,85 хектари што е значително под европскиот просек од 16 хектари. Околу 60 отсто од сите земјоделски стопанства обработуваат помалку од еден хектар земјиште, а дури 90 проценти помалку од три хектари.

Дополнително, малите земјоделски имоти се фрагментирани на пет и повеќе просторно оддалечени парцели со големина од само 0,2 хектара во просек. Поради раситнетоста, голем дел од парцелите немаат пристап до пат и до системите за наводнување.


 

вечер

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Прочитајте исто така

Close
Back to top button
Close