Загарантирани неделни цени за земјоделците

Од саботата, земјоделците ќе го продаваат родот по загарантирани неделни цени. Откупувачите се должни да ги објавуваат цените и кон нив да се придружуваат најмалку седум дена, во спротивно ќе следуваат казни.

Од државниот инспекторат за земјоделство потенцираат дека оваа одредба е регулирана со законот за земјоделство и рурален развој и мора да се почитува. Производителите се скептични. Сметаат дека трговците нема да се откажат од ценовната манипулација.

Неделните откупни цени се резултат на силното незадоволство на струмичките градинари кои со денови протестираа поради ниските и нестабилни откупни цени на доматите.