Законот за земјоделско осигурување влегува во владина процедура
НОВО! Вчера се завршени финалните консултации со министерот за финансии и дека е дефиниран моделот.
Законот за земјоделско осигурување е готов и влегува во владина процедура, најави министерот за земјоделство, шумарство и водостопанство Љупчо Николовски.
Николовски денеска одговарајќи на новинарски прашања рече дека вчера се завршени финалните консултации со министерот за финансии и дека е дефиниран моделот.
– Преку овој закон за земјоделско осигурување овозможуваме земјоделците да ја вратат довербата во компаниите со цел максимално да се осигуруваат земјоделските посеви. Поразителни се бројките за користењето на мерката од Програмата за рурален развој. Околу три проценти од земјоделците го осигуруваат своето производство. Тоа е заради тоа што е изгубена довербата во компаниите. Направивме нов закон и верувам дека Парламентот ќе го усвои овој закон и дека ќе воведеме една нова реформа во земјоделското осогурување што ќе биде уште поголем мотив за земјоделците кога ќе настанат штети да добијат обештетување, рече Николовски.
