Закуп на државно земјоделско земјиште
Овој петок завршува рокот за поднесување на понудите за закуп на 900 хектари државно земјоделско земјиште во Свети Николе. Огласот е наменет за земјоделско производство и за рибници. Парцелите се поголеми од 3 хектари, a изборот на закупецот е по пат на електронско јавно наддавање.
900 хектари државно земјоделско земјиште од некогашниот комбинат Џумајлија во околината Свети Николските села се нудат под закуп. Времетраењето за користење на земјиштето е различно.
Идните корисници во зависност од културата која ќе ја одгледуваат, површините ќе ги добијат за период од 15 до 70 години.
Право на учество имаат домашни физички и правни и странски правни лица кои мораат да достават и банкарска гаранција за учество на огласот.
На јавниот оглас секој понудувачот треба да достави само еден образец, а може да аплицира за една, две или за повеќе парцели.
Почетната цена е во зависност од големината на земјиштето и се движи од 2.300 до 20.600 евра.
Огласот ќе трае до 29 јуни, а изборот ќе биде по пат на електронско јавно наддавање.
